रातराणी
रातराणी
1 min
874
रातराणी (लिनाक्षरी काव्य)
सांजवेळी उधळण तिमिराची
नभी होते जणू वर्षा चांदण्यांची
शुभ्र रातराणी फुलली अंगणी
तशी हसून मोहरली धरणी
आसमंती दरवळे अबोलशी
उल्हसित होई बेधुंद मनही
डोकावूनी हिमांशु स्मित हासूनी
जागवूनी प्रीत लाजली चांदणी
गंधाळल्या दाही दिशा मोहरुनी
प्रीत प्रियाची आठवी वेड्या मनी
शुभ्रकांती पुष्पांनी निशा नाहली
जणू स्वर्गच उतरला भूतली