रानमेवा

रानातला रानमेवा

खाया लई गोड वाटे

तोडताना रुततातं

बोरी एरोणीचे काटे. ......//१//    

    रानातल्या या मेव्याची

    चव खाया वाटे न्यारी 

     शहरात या मेव्याची

     मागणीच होते भारी . .......//२//

चारं टेंबरं खिरण्या

एक नंबरचा मेवा

खेड्यातल्या लोकांसाठी      

निसर्गाचा हाचं ठेवा.........//३//

    नाही पाण्याची गरज

    कोणी नाही रखवाली

    कर्ता आणि करविता

     निसर्गच त्याचा वाली .......//४//

 प्राणी पक्षी जगतात

  याच रानमेव्यावरं

 खेड्यातल्या मजूरांना

 मिळे याचा रोजगारं .........//५//

      मिळे तीनही ऋतुतं

      रानमेवा हा रानचा

      जगविता तोच धनी

      सारा खेळ निसर्गाचा .....//६//