पुन्हा तोच पाऊस

पुन्हा तोच पाऊस आज नव्याने पडतोय

मातीचा दरवळणारा सुगंध परत बालपणात नेतोय

दाटून येतात ढग नभात अन आठवणी मनात

तो बरसतो आणि भिजवून टाकतो प्रत्येक मन एका क्षणात

चिंब भिजावे, स्वत:लाही विसरून

पुन्हा लहान व्हावे,हिच संधी साधून

पण आता नाही भिजता येत तितक्या प्रामाणिकपणाने

डबक्यात नाही खेळता येत पडण्याच्या भितीने

पुर्वी लहान उडी हि घेतली जाई अगदी उत्साहाने

आता मात्र मंदावली झेप, पंख मोठे झाल्याने

आपणच मोठे झालोत, अपेक्षांच्या ओझ्याने

पुन्हा तोच पाऊस,आजही पडतोय नव्याने