पुन्हा नव्यानं तुझी भेट घडावी.

माझ्या मनाच्या कोंदणी तुझी प्रीत जडावी ।

पुन्हा नव्यानं तुझी भेट घडावी ।।

सहवासात तुझ्या माझे अंतरंग उजळावे ।

नयनी माझ्या तुझे प्रतिबिंब झळकावे ।।

आगमनाने तुझ्या नवे प्रेमांकुर फुटावे ।

कात टाकुनी जुनी पुन्हा नव्याने बहरावे ।।

स्पदंनात हृदयीच्या तुझे अस्तित्व जपावे ।

विसरुनी माझे मी पण तुझ्यात एकरूप व्हावे ।।

शेवटच्या श्वासापर्यंत तुझी साथ असावी ।

मनमंदिरात माझ्या तुझ्या प्रीतीची ज्योत जळावी ।।

नाते तुझे माझे असावे जन्मजन्मांतरीचे ।

दूर कुठेतरी क्षितिजा पलीकडे विश्व दोन जीवांचे ।।

पुन्हा नव्यानं तुझी भेट घडावी ।

पुन्हा नव्यानं तुझी माझी प्रीत जुळवी ।।