पतंग

लाल पिवळा जांभळा

कागदाचे निवडू रंग

मस्त मस्त रंगीबेरंगी

बनवु आपण पतंग

बांबूच्या घेवू काठ्या

पतंग बनवू खूप मस्त

दोस्तांनी बनवलेला

पतंग असे खूप स्वस्त 

मांजा चक्री घेवू हाती

पतंग सोडू आकाशी

वाऱ्याच्या झोतावरती

कागदाचा उडवु पक्षी

लांब लचक शेपटीचा

खुलून दिसेल नखरा

इकडून तिकडे सारख्या 

पतंगराव मारेल चकरा

मजामस्तीमध्ये कोणी

पतंग आमचा काटेल

झाडात अडकून कोठे

पतंगोबा कधी फाटेल

पतंगाला उडविण्यात

दोस्तांनो होवूया दंग

वाऱ्याच्या तालावरती

 बघा नाचे कसा पतंग!!!!