पर्यावरण

पर्यावरण

जिकडे पाहावे तिकडे

चाललाय पर्यावरणाचा ह्रास

झाले इतके प्रदूषण की

मिळेना मोकळा श्वास

सारे झाले भोगवादी

तोडली त्यांनी झाडे

कसे चालेल सांगा आता

मानवाचे जीवन गाडे

जीवन ज्याचे नाव

ते पाणी विकत मिळते

जपून आता वापरावे

हे सांगूनही कुठे कळते

जिला म्हणतात माता

ती होती किती सुपीक

वापरून रासायनिक खते

ती देखील केली नापीक

नाही वाचवले पर्यावरण

निश्चित आहे आपला अंत

कळते सर्वांना आहे हे

तरीदेखील नाही खंत