प्रवास

हा एकट्यानेच आहे 

पूर्ण करायचा 

या प्रवासात जीवनाच्या 

कोणी ना शेवटाला जायचा 

मग का करायची तक्रार 

का रडायचे पाहुनिया खाचखळगे 

फक्त धैर्यशील रहायचे लक्षवेधी रहायचे 

आणि कसबीने टाळायचे खाचखळगे

या प्रवासातून साधायचा असतो 

उत्कर्ष स्वतःचा आणि समाजाचा 

हा अनुभवाचा प्रवासच ठरतो 

मार्ग दाखवणारा दीपस्तंभ समाजाचा

कुणाकुणाला अगदीच कंटाळा 

येतो या वाटेवर चालतांना 

तोल ढासळतो आणि आघात होतात 

या जीवनाच्या प्रवासात

या अश्या वेळी मात्र 

तों निर्विकार उभा मिळतो 

योग्य मार्ग दाखवण्यासाठी 

बनुनि मैलाचा एक अढळ दगड