प्रश्न

अनेक अवघड प्रश्न 

अनेक फसवी प्रश्न 

आणि अवघड फसव्या प्रश्नांच्या उत्तरात

असतो एक सुप्त विवेक 

त्या सुप्त विवेकांत न् सभ्यतेत

दडलेला असतो एक उद्रेक

भास - आभासात

फसव्या रूपात, फसव्या व्याखेत

ढोबळ न् मोघम जगताना

दगडी मुर्तीनां आणि रंगीबेरंगी झेंड्यांना

आम्हीच नवनवीन अर्थ लावतो 

आणि

त्यांच अर्थानी पुन्हा प्रश्न उभे केलेत

अधूनमधून एखादा झंझावात येतो 

आणि तितक्याच आवेगानं तो विझूनही जातो 

या सगळ्यात एक अस्थिरतेचा धागा 

मात्र खोलवर रूतत जातो आणि 

काळजाच्या कपारीतली श्वापद

मोकळी होत जातात न्

अवघड प्रश्न आणखीनच अवघड होतं जातात