प्रकृती

हिरवाईने नटलेला निसर्ग

नटलेली सर्व सृष्टी

समतोल राखण्या प्रकृतीचा

हवी असते वर्षा वृष्टी

वृक्षांमुळे पशूपक्ष्यांना

भेटतो निवारा

स्वर्ग सुख भेटते इथे

जेव्हा सोबत असतो निसर्ग सारा

पण वृक्षतोडीने

हे सारे बदलते

रूक्ष असे जीवन जगण्यास

काळ समोर ते मांडते

विस्कळीत होते जीवन साखळी 

आणि विस्कळते सर्व जीवन

मनुष्य प्रगतीच्या वाटेवर

नष्ट करतोय हे आनंदवन

मानवा पुढाकार घ्यावा लागेल

वाचवण्यास हे सुंदर जीवन

नाहीतर स्मशान बनेल

हे जिवंत भवन