प्रकृती

शेती हिरवीगार कडेकडेनी, मधून वाट नागमोडी धावती 

गंध लाल तांबडया मातीचा, मन संतुष्ट करुनी जाती

गहू, ज्वारी, बाजरीची भरलेली कणसे; तोऱ्यात ताठ डोलती 

गायी, वासरे गोजिरवाणी, हंबरती गोठयात विसावती 

गार वारा झोंबतो, मधूनच पानेही सळसळती 

पाला-पाचोळयांचा ढिगारा, गालिच्यासम झाडाखाली अंथरती 

इथे - तिथे मुंग्यांची वारूळे, आपसूक नजरेस दिसती 

चिमणी पाखरे फांद्यांवरती, निसर्गाचा झोपाळा हा झुलती 

फुले सुगंधी, विविध रंगी; गर्व स्वतःच्या रूपावरी करती

मधमाश्या येती रस चोखण्या जेव्हा, स्वागत करुनी खुशीत हसती 

दिनकर राजाच्या आगमनाने, पूर्ण जग हे समाधानी होती 

प्रकृतीची बघून ही श्रीमंती, हृदय प्रसन्न होते माझे अजाणती