प्रिय आजोबा

खूप लाडके आहेत आजोबा माझे

खूप लाड करतात ते नेहमी माझे

माझ्याशिवाय त्यांना करमत नाही

छानछान गोष्टी मला सांगत राही

चष्मा नेहमी त्यांच्या डोळ्यावर

मात्र बारीक नजर असे माझ्यावर

सकाळी उठून ते देवळात जातात

सायंकाळी मला फिरायला नेतात

खाण्याच्या बाबतीत आम्ही दोघे सेम

आईचा आमच्यावर सदा असतो नेम

चॉकलेट खातो आम्ही लपूनछपून

याचसाठी तर आई जाते रागावून

अशा वेळी सांभाळतात मला आजोबा

खूपच गोड आहेत माझे बाबांचे बाबा