परिश्रम

श्रमाविणा इथे कधी कुणाला

सांगा आहे मिळाले का काही

जर मिळाले असेल कदाचित

टिकण्याची किती असते ग्वाही

एक वेगळा आनंद असतो मनी 

बघा कष्ट दुसऱ्यासाठी करताना

आयुष्यभर प्रामाणिक कष्ट करता

समाधान असते चित्ती मरताना

अविरत जीवनी करता परिश्रम

यश एक दिनी चरणाशी लोळेल

फक्त न थकता कष्ट करत रहा

एक दिनी हवे ते नक्की मिळेल

येवो कितीही बिकट परिस्थिती

कष्ट करण्यास ना लाजवे कधी

होतात मोठे तेच ह्या जगतात

जे यशासाठी कष्ट घेतात आधी