प्रीत अशी वेगळी...

भुंग्या रे भुंग्या रे

घालू नको पिंगा

नाजुकशी कमलिनी

करू नको दंगा

भुंग्या रे भुंग्या रे

गुंजारव केवढा

गोल गोल रिंगाचा

खेळ का रे एवढा

भुंग्या रे भुंग्या रे

प्रीत तुझी आगळी

जायबंदी करी तुला

नाजुकशी पाकळी

भुंग्या रे भुंग्या रे

लाकुड तू पोखरशी

नाजुकशा पाकळ्यात

कैद कैसा होशी

भुंग्या रे भुंग्या रे

अशी तुझी प्रीती

पहाटे तुला जागविण्या

दंवबिंदू येती

भुंग्या रे भुंग्या रे

प्रीत अशी वेगळी

कुणी ना तुझ्याविना

करून जगा दावली