प्रहार
प्रहार
झेललेत प्रहार काळजावरी
यमराजाने घेतले प्राण जेव्हा
सत्यवानाला आणले भूमीवरी
झगडून यमराजाशी तेव्हा
सावित्री ती पतिव्रता होती
जिचे पावित्र्य आले कामी
यमराजाकडून प्राण येती
परतुनी तिच्याच स्वधामी
त्या सावित्री परी घडली
दुसरी सावित्री ही इथे
जिनेही सोसले नाना प्रहार
चांगल्या कामासाठी इथे
होती स्त्री शिक्षणाला
बंदी ज्या काळात
केला विद्रोह आणि
बदल घडवला समाजात
स्त्री शिक्षणाची मुहूर्तमेढ
रोवली त्या ज्ञानज्योतीने
समाजाच्या विचारांची तेढ
मिटवले त्या सावित्रीने
झेलले दगडगोट्यांचे प्रहार
परी मानली नाही हार
पती सोबत केला प्रचार
स्त्री शिक्षणाचा केला उद्धार