प्रेम

जगजाहीर आहे प्रेम आईचे

मायेची पखरणही नेहमी

सारे लक्ष तिचे सदा मुलांवर

तिचे प्रेम कधीच होत नाही कमी १

बाबा प्रेम करतातच मुलांवर

पण दिसत नाही ते कुणाला

मात्र मुलीचे लग्न झाल्यावर

रुमाल लावतात डोळ्याला   २

रेशमी बंधाचे प्रेम भावाबहिणीचे

अत्यानंदाने ते कायम जपत असतात

मौजमजेसाठी सणासुदीला भेटण्याचे

जिवाभावाने आपापसात ठरवतात ३

जवानांचे जाज्वल्य देशप्रेम पाहून

अभिमानाने ऊर भरून येतो

देशासाठी तो सीमेवर सज्ज राहून

सर्वांचेच धीरोदात्तपणे रक्षण करतो ४

दोन प्रेमी युगुलांचे प्रेम तर

सारे म्हणतात आंधळं असतं

एकमेकांना समजून घ्यायचे तर

जीवनात चांगलं डोळस व्हावं लागतं ५

प्रेम द्यावे आणि प्रेम घ्यावे

जगाची रीतच आहे खरी

असेच नाते जपत रहावे

मग जीवन होऊन जाईल भारी ६