प्रेम

राधा कृष्णाचे प्रेम

साऱ्या जगाने पाहिलं

राधेने आपलं जीवन

कृष्णासाठी वाहिलं

खऱ्याखुऱ्या प्रेमाला

बोलायची गरज नसते

ह्रदयाशी ह्रदय ‍सतत

मनाने भेटत असते

नदीला ओढ सागराची

म्हणून भेटायला जाते

आभाळ भूमीला भेटायला

पर्जन्याचें रूपाने येते

प्रेम प्रियकर प्रेयसी

यांच्यामध्येचं नसते

प्रेमाची व्याख्या सर्वचं

नात्यांना लागू असते

आई मुलांचं प्रेम असतं

बहिण भावाचं प्रेम असतं

मित्र मैत्रिणींचं प्रेम असतं

आजी नातवंडाचं प्रेम असतं

प्रेम निस्वार्थी असावं

प्रेम निसर्गावर करावं

प्रेमात किर्तीरूपी उरावं

प्रेमाने जगावं आणि जगू द्यावं