माणुसकी

माणुसकीची परीक्षा

जर पहायची असेल

तर संकट काळात

नक्कीच ती दिसेल

कोरोनाच्या काळात

खरा देव जागा झाला

प्रशासन वैद्यकीयांच्या

सेवेने माणूस वाचविला

माणूस स्वार्थी झाला तरी

माणुसकी शिल्लक आहे 

दुष्काळ असो किंवा पूर

 मदतीचा हात देत राहे

अपेक्षा , स्वार्थ सोडल्यावर

माणुसकी जन्मास येते

अविश्वास हव्यासापोटी

माणुसकी लयाला जाते

प्रतिष्ठा धनदौलती साठी

माणुसकीचा अस्त होतो

वेळ प्रसंगी संकटकाळी

माणूसच माणसाच्या कामी येतो