प्रेम म्हणजे काय असतं

प्रेम म्हणजे काय असतं 

शाळेत डबा विसरून जाताना

लेकरू उपाशी मीही जेवले नाही

आईच्या डोळ्यांतल्या धारा मोजताना

प्रेम म्हणजे काय असतं

आज लवकर घरी येतो म्हणताना

अहो आज तरी लवकर याल का

व्याकूळ पत्नीचा चेहरा पाहताना

प्रेम म्हणजे काय असतं

बाबा सर्कसला चला म्हणताना

रिकामा खिसा नको कळायला

आशेने लेकरे बाबांना विनवताना

प्रेम म्हणजे काय असतं

खडीसाखर हातावर टेकवताना

बोळक्या तोंडाचा आशीर्वाद घेत

आजीला प्रेमाने मिठी मारताना

प्रेम म्हणजे काय असतं

शिकायला बाहेरगावी जाताना

अश्रु लपवणाऱ्या बाबांचं असतं

मिठी मारून हूंदक्यात गदगदताना