प्रेम म्हणजे काय असतं

उघड्या पाठीवर झोंबणारा

गारा वारा झेलत

थरथरत्या हातात कंदील घेऊन 

उंबरठ्यावर वाट पाहणं

*म्हणजे प्रेम असतं का ???*

कधीतरी अचानक एखादं 

काळवंडलेलं जुनं नाण हाती लागावं

त्याच्याकडे बराच वेळ न्याहळत रहावं

कुठंतरी खरखरीत हाताचा

स्पर्श लागतो का पहावं

*याला प्रेम म्हणतात का ?????*

स्वप्नांची पालखी 

आठवांचा थवा

बासरीत पुन्हा पुन्हा 

तेच तेच स्वर

मंद स्पंदनात तुझीच आरती

याला म्हणतात का प्रेम 

*हो हो यालाच म्हणतात प्रेम*

काही नाती बनत असतात

एकमेकांत गुंफत जातात 

मनाच्या कोपऱ्यात घर करत असतात

अहो ...

प्रेम प्रेम म्हणजे याशिवाय आणखी काय असतं