प्रेम कुणावर करावे

प्रेम करावे कुणावर ?

खरे तर कुणीही कुणावरही

एकमेकांच्या दृढ विश्वासावर

आणि आपल्या देशावरही  १

प्रेम करावे जन्मदात्यांवर

त्यांना मिळणाऱ्या आनंदावरही

त्यांनी दिलेल्या सुंदर जीवनावर

आणि त्यांच्या म्हातारपणावरही २

प्रेम करावे साऱ्या समाजावर

आणि मिटवावे दंगेधोपे सारे

शिंतोडे नकोच जातीय द्वेषावर

मग एकमेकांना समजून घ्यावे खरे ३

प्रेम करावे शुद्ध माणुसकीवर

माणसातील माणूसपणावरही

लक्ष हवे चांगल्या विचारांवर

म्हणजे चांगुलपणा दिसतोही ४

प्रेम करावे निसर्गावर

निसर्गातील नैसर्गिकतेवरही

आणि त्याच्या निर्मळ सौंदर्यावर

जीवनातील निसर्ग नियमांवरही ५

प्रेम करावे आपल्या देशावर

म्हणजे जवानांचे स्मरण होतेही

आणि अठरापगड जातींवर

म्हणजे आत्मीयता वाटतेही ६

आधी प्रेम करावे स्वतःवर

साधी राहणी उच्च विचारसरणीवरही

प्रेम करावे निरपेक्ष मित्रत्वावर

आणि मिळालेल्या सुखी जीवनावरही ७