पोरगी ती दूरदेशी शिकत आहे- गझल
पोरगी ती दूरदेशी शिकत आहे- गझल
1 min
13.9K
पोरगी ती दूरदेशी शिकत आहे
घास ओठी का हिच्या पण अडत आहे..
.
पीक नाही थंड आहे चूल जरी ती
आत्महत्येचा विचारच शिजत आहे..
.
जीवनाला अर्थ ना पैशाविना या
औषधावाचून तेही रडत आहे..
.
शब्दही आधार ठरतो निर्धनाला
शब्द विकुनी पोट त्याचे भरत आहे..
.
खायला विष आज कोठे फुकट मिळते
कोरडी भू आसवांनी भिजत आहे..
.
तीनदा हुलकावण्या देऊन झाल्या
न्यायला आता किती यम दमत आहे..
.