पणती

माती घेऊन पणती

बनवली चाकावरी

दिप उजळले मनी

नंदादीप घरोघरी

गरगर फिरे चाक

दिवा घडवत जाई

दिवाळीचा हा उत्सव

उगवता सुर्य पाही

रात्रंदिन कष्ट करी

घडवण्या तो पणती

दिवा मातीचा करुन

उजळवी स्नेह नाती

थेंब ते घामाचे पहा

हातावर घेत राही

दीपमाळ बनवूनी

नंदादीप विकी बाई

कुभांरच्या ही घरात

दिवाळीचे सुख देऊ

आनंदाने दिवाळीही

उत्साहात हो साजवू

करु साजरी दिवाळी

मातीच्याच या दिव्यानी

काढू मोडीत विदेशी

ज्ञान देशी स्विकारुनी