वारकरी
वारकरी
1 min
172
माझा पांडुरंग ॥ विटेवर उभा
किती भव्य शोभा। चरणासी....॥१॥
हरी पांडुरंग ॥ विठ्ठलाचा गजर
मुखी निरंतर। वारकरी........॥२॥
तुळस मंजिरी ॥ वाहते चरणी
विठ्ठल हा मनी । सदानंद.....॥३॥
जिवलगा माझा ॥ पंढरीचा राया
किती असे माया । भक्तावरी...॥४॥
आषाढ कार्तिकी ॥ भक्तजण येती
विठ्ठाला भेटती । वारकरी.....॥५॥
माझी मायबाप ॥ विठ्ठल माऊली
तिची ही सावली । लाभलेली....॥६॥
कस्तुरीचा गंध ॥ केशवासी येतो
नित्य बहरतो । दाही दिशा.....॥७॥
किती हो वर्णावा ॥ महिमा विठूचा
कैवारी मनाचा । तो श्रीहरी.....॥८॥
पांडुरंग हरी ॥ पाहतो भुवरी
पामराच्या दारी । प्रगटला.....॥९॥
कृपादृष्टी राहो ॥ साऱ्या जगावर
जोडतो मी कर । विठूराया.....॥१०॥