पंखात बळ आले

दोन चिमुकली पाखरे

आपल्याच घरट्यात

फडफड करत होती

बाहेर चोच काढून

खायला काही तरी

ती मागत होती

तिची आई देखील

दूरवर उडत जाऊन

पिलासाठी काहीतरी 

खाऊ आणत होती

असे काही दिवस चालले

एके दिवशी त्या घरट्यात

कोणीच दिसत नव्हते

पंखात बळ आले म्हणून

ती पिले आपली पोट

भरण्यासाठी उडून गेली

आजकाल माणसाचे आयुष्य

देखील या पक्ष्यांप्रमाणे झाले

लेकरं शिकून मोठी झाली

चार पैसे कमावू लागली

की त्यांच्या पंखात बळ येते

नि आई बाबाला घरात ठेवून

परदेशात नोकरी करायला

चालली कायमची जसे

पाखरे उडून गेली कायमची

कित्येक दिवस वाट पाहतात

डोळ्यातील अश्रू आटून जातात

पण ती पाखरे पुन्हा त्या

घरट्यात परत येत नाहीत ......

कधीच परत येत नाहीत ......!