फटका

करू नको अशी घाई गडबड

रंग तुझा हा हिरवट गं

वेणीमध्ये भरून घे हा

मनसोक्त ही मळवट गं

कोरस

रामा दाजी तू ग

मैना माझी तू ग....

वसंतातील झाड तुझे हे 

सुगंध तुझा बळकट गं

लेणे घे हे सुहासनीचे

कुंकू तुझे हे हावरट गं

कोरस

पिढ्यान पिढया तुडवलेली

पायवाट ही मळकट गं

लाजू नको जवळ ये जरा

परंपरेची वहिवाट गं

कोरस

सोडून दे हा लाजरेपणा

कोणती नाही अट गं

घाटावरती चढून पाहाणे

जगाचा हा परिपाठ गं

कोरस

लटपट ही चालू नको गं

डुले कमरेचा मधुघट गं

घटामधले अमृत पिण्या

आसुसले व्हट गं

कोरस