|| फळ कथा सफल संपुर्ण ||
|| फळ कथा सफल संपुर्ण ||
देवाने ठरविले फळांच्या दुनियेत
चला जाऊ मनसोक्त फळं खाऊ
विष्णुला आवडतात केळी
हसतमुख उभे असतात प्रत्येक वेळी
लक्ष्मीला आनंद होतो मनात बघता डाळिंब लालचुटूक
सरस्वतीला चाखावेसे वाटतं मधल्या वेळेस चिंचेचे बुटूक
शंकराला सोमवारी वाहायचे बेलफळ
मारुती खट्याळपणे काढतो कळ
तोर्यात म्हणतो आणा करवंद
माकडमेवा आवडीने करू श्रीरामाची चरणसेवा
गणपतीला चढवावे श्रीफळ
प्रसाद खाऊन वाढते बुद्धीचे बळ
विसावा मिळता दत्तगुरू खातात द्राक्षं
मुखाने जप, हातात रुद्राक्ष
सीताफळावर मारतो ताव कान्हा
बासरी वाजवुन मारतो मधुर ताना
देव म्हणाले फळांची चव न्यारी
चवीने खाणार्याचे आरोग्य भारी ॥