पहिला पाऊस

कडक भासला तेंव्हा उन्हाळा

जेंव्हा सूर्याने ओकली आग 

अचानक आटले नदीनाले मग

दुष्काळग्रस्त झाला काही भाग

उरल्या सुरल्या झाडांनी धाडला

लहरी पावसाळी मेघराजा

विजांचे नृत्य संगीत साथीला

नभात पावसाचा गाजावाजा

चकवाचकवी खेळ चालता

मेघा पळवितो वादळ वारा

गार स्पर्श तो वार्‍याचा होता

कुठे थेंब कुठे बरसल्या गारा

धो धो बरसत आला आला  

रानी अंगणी पहिला पाऊस 

थेंब टपोरे रिमझिम झेलता

पुर्ण जाहली भिजण्याची हौस

पहिला पाऊस भिजवून गेला 

रानातल्या मातीचं काळं रुप

 बरसावा असाच पाऊस झरझर

बळीच शिवार मग फुलेल खूप

झाडांनी केली कृपा आम्हावर

त्यांनीच धाडला पहिला पाऊस

चला वाढवू झाडी नि जंगल

तेंव्हाच पडेल नेमाने पाऊस