पाऊसपाणी

पावसाची ही गम्मत न्यारी

वाटते मौज भारी

बाळगोपाळ होई आनंदी

भिजण्याचा भागवी छंद

सानुल्या सानुल्या होड्या पोहती जळी

जणू मोठाली गलबते जवळी

येई उधाण मनाला जसे भरते समिंदराला

छप छप पडती पाऊले उडे पाणी अंगाला

बहरला पारिजात शहारले अंग 

कडाडले नभ ओथंबली संग

दाटती पारव्या छटा सळसळती बिजली

अंतरंगी नभिच्या कोणता सोहळा साजणी

पल्लवीत पाने, फुले अन् वेली

मिरविती दिमाख जशी माहेरवाशिणी