पाऊसाचे गाणे
पाऊसाचे गाणे
1 min
49
आली आली धार पावसाची आली l
थेंबांच्या स्पर्शानं जणू धरित्री लाजली ll धृ ll
झाली हिरवी शेतं अनं झाली हिरवी डोंगर l
होऊन आनंदाने वेडा नाचे राणामधी मोर ll1ll
क्षितिजही जणू काही डोंगराला टेकले l
गवताच्या सोबत झाले तेही हिरवे ओले ll2ll
हिरवे हिरवे तण करती धरीत्रीवरी वस्ती l
येरें येरें पावसा जणू तेही गाणं गाती ll3ll
निसर्गाचं रूप सुंदर, मना आजी भावलं l
स्पर्शानं थेंबांच्या जणू तेही कविता झालं ll4ll