पाऊस
पाऊस
1 min
137
अनल मोसमी मयुर पैंजणी नाचत आला
ऊन सावली रुसुन हसती खेळ चालला
हस्त उत्तरा मघा रोहिणी नक्षत्र आला
मेघ शलाका वाजा गाजा वरुण बरसला
काळी छाया लख्ख प्रकाशी ऊन सावली
नभ हे रिझवी रंग बदलवी कमान सजली
इंद्रधनुची गंमत न्यारी भू बावरली
नाजूक हळवी धरा बावरी मोहित झाली
अवनी सारी चिंब जहाली लाजलाजली
हिरवी हिरवी तरु वेल तृण झुलू लागली
सर अंबरची कुशीत येता अवनी व्याली
अंबर धरणी प्रेमसरींनी पुलकित झाली
रंगबिरंगी फुल पानांनी सृष्टी सजली
खग आकाशी पंख पसरून उडू लागली
शेतशिवारी धन धान्यांची दौलत आली
तृषा तृष्णा तृप्त झाली लक्ष्मी आली
