ओवी प्रथम प्रहर 🌺

राम प्रहरी आला राजा दिनकर दारी

हळदी गुलालानं माखली वसुंधरा सारी

झाली सडा रांगोळी दिली धन्याला न्याहरी

धनी राजा धरणीचा निघाला गं शिवारी

सुक्ष्मरुप ईश दारी आली प्रभा नारायणी

राऊळात घंटानाद पुजा पाती ओवाळणी

धूप दिप राळ सुगंध दरवळ आसमानी

धावे राऊळात मन दिसे विठ्ठल रुक्मिणी

गुरे ढोरे हंबरती जाण्यासाठी माळ रानी

दुध दुभत्याची गाय पाही धन्याला मायेनी

पशु पक्ष्यांची झुंबड चिवचिव ती गाणी

धृव ताऱ्याची गं बाई नजर काढा कोणी.......

नाही वान कशाचीच माझ्या सासरी संसारी

तरी आठवे माय बाप भाऊराया माया भारी

सासु सासरे प्रेमळ पूर मायेचा गं उदरी

तरी डोळा येई पाणी धावे मन गं माहेरी......