पाऊस आला

रिप रिप येईल नभातून

हे वेध पावसाचे

जून माह सुरू झाला

स्मरण झाले गतकालाचे...

रंग हिरवे घेऊन येईन

पानोपानी जल दिसेन

जलबिंदूंचा हा नृत्याविष्कार 

मनास खूप भावेन...

पाऊस आला, पाऊस आला

बालपणीच्या आठवणी 

जिवंत अशा झाल्या

सुगंध मातीचा अजूनही स्मरणी...

मित्र माझा, सखा माझा

हा मनभावन पावसाळा

देतो ओलावा सर्व भूमीला

गरम चहाचा स्वाद आगळा...

तनूवर तुषार घ्यायला

मस्त पावसात भिजायला

खूपच आवडते मला

गरमागरम भजी खायला...