पाठीशी तू

कोणी नसलं सोबत

तरी तू मात्र कायम रहा

आयुष्य जगताना

सावलीसारखं फक्त पाठीशी तू रहा

खेळ खेळताना हारत असेन मी

तरी तू मात्र साथ दे

डाव नको खेळू माझा

पण सारथीसारखं फक्त पाठीशी तू रहा

रडत असेल मी तर

थोडंस हसव मला

कोसळत असेल मी तर

भक्कम आधार देणाऱ्या भिंतीसारखं फक्त पाठीशी तू रहा

चुकत असेन मी तर

रागवत जा मला

चूक सुधारण्यासाठी मात्र

मार्गदर्शक बनून नेहमीच फक्त पाठीशी तू रहा...