पाणी....!

   आज ग्लोबल वार्मिंगच्या युगात 

   घोटभर पाणी मिळविण्यासाठी

   पार्थालाही विचार करावा लागेल 

   हजारदा .... 

   गांडीव धनुष्याची प्रत्यंचा चढवितांना 

   कारण ; 

   पाणी सार्वजनिक कुठे राहिलेयआता?  

   भगीरथही विचार करेल हजारदा  

   गंगेला धरतीवर आणण्यासाठी  

   गंगेला अपवित्र करण्यासाठी 

   करोडो हात इथे सज्ज असतांना .... 

   कारण ; 

   पाणी एवढे कुठे निर्मळ राहिलेय आता?

   पाणी पेटू लागलेय चराचरात 

   वैश्विक युद्धाचे बीजारोपण

   ह्या पाण्यामुळे होईल की काय

   असे वाटते ,,,, 

   मनःशांती करणारे 

   तनशुद्धी करणारे 

   पाणीही पेटू लागलेय आता ....!!!!