पाणी ....!

      

आज ग्लोबल वार्मिंगच्या युगात 

     घोटभर पाणी मिळविण्यासाठी

     पार्थालाही विचार करावा लागेल 

     हजारदा ....

     गांडीव धनुष्याची प्रत्यंचा चढवितांना 

     कारण ; 

     पाणी सार्वजनिक कुठे राहिलंय आता ? 

     भगीरथही विचार करेल हजारदा 

     गंगेला धरतीवर आणण्यासाठी , 

     गंगेला अपवित्र करण्यासाठी

     करोडो हाथ इथे सज्ज असतांना .... 

     कारण ; 

     पाणी एवढे कुठे निर्मळ राहिलंय आता ? 

     पाणी पेटू लागलंय चराचरात 

     वैश्विक युद्धाचे बीजारोपण 

     ह्या पाण्यामुळे होईल की काय असे वाटतेय 

     मनःशांती करणारे , 

     तनशुद्धी करणारे 

     पाणीही पेटू लागलंय आता ....!!!!