पाहिला पाऊस

आला पहिला पाऊस 

धरती ओली चिंब झाली

पाऊस मनातला येता

धरती पावसात न्हाली. //१//

पडल्या पावसाच्या धारा

सोबत पडल्यात गारा

आला सोसाट्याच्या वारा

दिसे हिरवी गार वसुंधरा. //२//

आकाशात काळे काळे ढग

आले एकाएकी जमून

काळे कुट्ट झाले आभाळ

पडला वादळ पाऊस जोरान //३//

नभात ढगांचा गडगडाट

सोबत विजांचा लखलखाट 

त्यात पाऊस वादळ तुफान

काय नभाचा तो थाट. //४//

पहिल्या पावसाचे स्वागत 

विजेच्या चमचमत्या प्रकाशाने होई

ढगांच्या आवाजाने सारा

परिसर दणाणून जाई //५//

पाऊस पडल्यावर नभात

निघे इंद्रधनुष्याचे निशाण

पहिल्या पावसाचे स्वागत

इंद्रधनुष्याचे सात रंगानं. //६//