ओवाळणी

भाऊराया ची माझ्या 

आहे न्यारी प्रित

माहेरी गेल्यावर

नाही विसरत रित

उपासमारी होता

शिक्षण केले बंद

मजूरी ला जुंपूनी

बालपण झाले कैद

तुझ्या कष्टामुळे

आज मी घडले

तुझ्या हातावरचे 

फोड नाही मी विसरले.

दुःख तुझं पाहून

हुंदका मनी दाटे

तुझ्या भविष्याची

चिंता मज वाटे

ताटातला घास

माझ्या ताटी घाली

त्या मायेची सर

कुणालाच ना आली.

भाऊबीजेसाठी आज

एक ओवाळणी घाल

वाईट व्यसन सोडून

संसारात लक्ष घाल.