नूतनवर्षाभिनंदन
नूतनवर्षाभिनंदन
नवीन वर्षी मुखकमलावर
सदैव ठेवूया आपण आनंद
नवीन संकल्प केली तरी
करून दाखवूया ते सिद्ध....
नव्या किरणांची नवी छटा
नवी पहाट पाहा सजली
सूर्यनारायणासह वसुंधराही
आज या समयी भुलली....
जपू या मने एकमेकांची
सर्वांनाच देवूनी मान
ठेवू सतत आपण सारे
वास्तवतेचे परिपूर्ण भान.....
नील गगनी विहग उडती
नव चैतन्याचे घेवूनी वारे
मनात काय बरे असेल यांच्या?
सदैव वाहते वारे यांचे न्यारे....
अन्यायाला देवूनी आहुती
चांगल्या गोष्टींचे करू या जतन
गतकालीन वर्ष सरले आता
स्वतःच्याच आचारांचे करू या मनन.....
मन ठेवू निर्मळ अन पवित्र
ना कोणाशी वाद घालू या
नको कुणा दुःख देवू या
सदैव आपण सुसंवाद साधू या.....
विद्यार्थ्यांनाच आपले दैवत मानुनी
उत्तम मूल्यसंस्कार त्यावर कर या
ज्ञानाचे दीप सतत तेवत ठेवू या
चैतन्यमयी वातावरणात त्यांना खुलवू या.....