नजर ....!

    बाबांना कळायची

     माझ्या देहबोलीची भाषा,,,,

     थोडंस आईच्या अवतीभवती ,  

     घुटमळतांना दिसलं की ,

     लगेच 

     हं , काय म्हणणं आहे बोला ...

     ठीक आहे , 

     त्याला म्हणा .... 

     जरा आतातरी मोठे व्हा ,

     आणि 

     न बोलताचं मागणी पूर्ण व्हायची ....!

     

     इतिहासजमा झालीय ही गोष्ट 

     माझ्या चेहऱ्यावरचे भाव 

     ओळखून घ्यायचेत पटकन .... ! 

      आता चिरंजीवांना 

      घुटमळतांना बघतोय कधीकधी 

      अर्धांगिनी च्या अवतीभवती 

      आणि ओळखण्याचा प्रयत्न करतोय , 

      पण 

      बाबांची ती नजर 

      नाही उतरलेली दिसत 

      माझ्या नजरेत की , 

      माझ्या डोळ्यांची अनुभूती 

      कमी पडतेय की काय ... ?

      काही कळत नाही ....!!!