निसर्गाची साद
निसर्गाची साद
1 min
421
ऐक मानवा मानवा
निसर्ग घालतो साद
किती पळशील थांब
थोडा होवू दे संवाद
तू रे लेकरु सृष्टीचे
बुद्धीवंत तू सजीव
तू जाणून असशी
झाडातही रे जीव
करुनी झाडांची कत्तल
का घेतोस त्यांचा जीव
दिली फळे फूले छाया
त्यांची कर ना रे कीव
स्वार्थासाठी करतोस
झाडी जंगलाची हानी
खडसावून बजावतो
आता बंद कर मनमानी
सृष्टीचक्रावर तू जर
करशील काही आघात
मग माझा वाढेल कोप
तूच करशील तुझा घात
महापूर दुष्काळचक्रातून
आता स्वतःला तू सावर
वेळीच हो मानवा जागा
घाल हव्यासाला आवर!!