निलकंठ

 शिवशंकर जटाधारी

 जटेतून गंगा वाहते

गळ्यात नागाचा फणा

चंद्रकोर डोई शोभते

भस्म फासूनी अंगाला

त्रिशूल शंभूच्या हाती

डमरुच्या तालावरती

नाचे पार्वतीचा पती

हर हर महादेवा

देवांच्या तुम्ही देवा

चरणी टेकूनी माथा

भक्तजन करती सेवा

सृष्टीची केलीस निर्मिती

भक्तांचे चिंतलेस हित

मानवा कधी कळावी

तुझी सेवाधर्माची रीत

स्वार्थाने बरबटलेले

मानवाचे पाहून वर्तन

सांबसदाशिव करतो

रौद्ररूपी तांडव नर्तन

लोकहितासाठी निलकंठा

विषालाही केलेस प्राशन

अत्याचारी मानवजातीला

काय करावे सांगा शासन

सृष्टीच्या उद्धारासाठी

धावतो शिवशंकर भोळा

अधर्म माजता मानवाचा

शंभू उघडेल तिसरा डोळा!!!