नार मी नव्या युगाची

शाळा शिकुनी साक्षर

न राहिले निरक्षर

नका ठेवू मजला पडद्याआड बंदिस्त

मी पुढारलेली बाई आहेच बिनधास्त||धृ||

आधुनिक युगाची मी

मिळविते संधी नामी 

कमवते रोजीरोटी 

माझ्यात नाहीच कमी

खंबीर आहे मी तरुणी आजची निर्धास्त

मी पुढारलेली बाई आहेच बिनधास्त||१||

फॅशनेबल पोशाख

वस्त्रे माझी आधुनिक

शिकले ज्युदो कराटे

ठेवा इरादे हो नेक

ठाम माझे अस्तित्व जरी असे मी उद्ध्वस्त

मी पुढारलेली बाई आहेच बिनधास्त||२||