नाम तुझे घेता देवा

हरतो माझा क्षीण सारा

येते अंगी नवे प्राबल्य

नाम तुझे घेता देवा

नांदे सुख शांती कैवल्य

घडी घडी संसाराची

वाहतो ही चिंता

मिळेणा क्षण भजण्या तुला

मनी हिच रे अहंता

मन पळते हे विषयी

आवडतसे मोहमाया

तुला स्मरता मिळते स्थिती

तुझ्या विना जन्म वाया

सावरु मी मजला किती

गुंतवते प्रपंचाची मलीन काया

भजता तुला समाधान चित्ती

विषयवासना जरी येती अडकावया

देहभान हरते माझे

प्राणी पावतो हा विनया

नाम तुझे घेता देवा

गात्रे मोहरती ही ललया