कोजागिरी पौर्णिमा

नयनरम्य मनमोहक विलोभनीय

चंद्र रुप ते अश्विन शुक्ल पौर्णिमेचे

रात्रीसही शितल प्रकाशझोतांनी धरा झगमगे

टिपूर चांदणे कोजागिरी पौर्णिमेचे

सोळाव्या कलेने पुर्ण होवुनी

शुभ्र शितल तेजस्वी चंद्रमा नभी

पृथ्वीस आलिंगन देण्या समीप आली

चांदोबा मामाची शीतल सुंदर छबी

प्रेमीयुगुल अबाल वृद्धांची मने सुखावली

दारावरती नव धान्यांची तोरणे शोभून विसावली

ज्येष्ठ सुपुत्र सुकन्येचे औक्षण करुनी

घरातील कुबेर महालक्ष्मी प्रसन्नतेने स्थिरावली

केशर वेलची बदाम पिस्ते मधु शुभ्र दुधाचा

नैवेद्य अर्पूणी शुभ्र शीतल चंद्रमासी

करिती सकल तो प्रसाद ग्रहण प्रेमाने

औषधी टिपोरे चांदणे कोजागिरी पौर्णिमेसी

दर्शन चंद्राचे शुभ्र दुधात घेऊन

निहाळती रुप शितल शुभ्र सुंदर

जीवनात जरी आले लाखो काळे ढग जरी

तुजसम चंद्रमा लखलखू दे छबी आमुची जगभर