नाच रे!

कारे नाचतोस डोईवरी

गप गुमान ये भुईवरी

सफेद रंगाची नको फुशारकी

रंगपंचमीत घेतील गिरकी

सर्व रंगांची शाल बघ मी पांघरली

नाही भीती रंगपंचमी जरी अवतरली

रंगपंचमीचा नियमच न्यारा

सर्वांना तो आहे प्यारा

बघताय काय सामील व्हा

नाहीतर फुकाचे रंगून जा

म्हणून म्हणतो जमिनीवर ये

रंगात आज जरा रंगून घे

राग रुसवे फुगवे सोडून दे

आनंदात एकदा नाचून घे

जीवनाचे रंग उरात भरून घे

उर भरून एकदातरी जगून घे

रंगपंचमीची मजा लुटून घे

सर्वांनाच आता समजून घे....!!!