मुंगी

एक होती काळी मुंगी

आणि एक होती लाल मुंगी

भेटल्या वाटेत दोघी एकदा

मारू लागल्या तिथेच गप्पा

सरसर चढली झाडावर

ताव मारला आंब्यावर

पोटभर रस प्यायली मुंगी

टम्म झाले पोट आली गुंगी

आंब्यावरच मुंगी लवंडली

गाढ झोप तिला लागली

आंबे झाडावरून उतरवले

मालकाने पेटीतून पाठवले

झोपेतून जेव्हा उठली मुंगी

डोकावून पाही आलं फुरसुंगी

पाहिले तिने आजूबाजूला

प्रवास गाडीतून तिचा चालला

काळ्या मुंगीचा असा प्रवास

ऐकून लाल मुंगीला झाला त्रास

घेऊन गेली आपल्या वारुळात

केला पाहुणचार ठेवले आनंदात