मृदगंध पावसाचा

गडगड नभात करतंय

मेघ लागले हो बरसु

चिंब चिंब सरिंत मी

भिजायला किती तरसू

वर्षा सरासर आली धावून

बळीराजा सुखावला बघुनी

बैल जोडी आपुली 

शेत शिवारी जाई घेऊनी

सप्तरंगी इंद्रधनु ची कमान

शुभ्र दुधाळ आकाशी शोभे

मन जाई बघताच हर्षूनी

चिंब सरिंत कल्पतरू उभे

येई श्रावण , श्रावण

घेऊनी चिंब चिंब ओलावा

पडे थेंब थेंब अंगी माझिया

शहारे येऊनी झोंबे गार गारवा

टपटप बरसती कश्या

ह्या रेशीम जलधारा

थंडगार अंगाला

येऊनी भिडे वारा

पडती कसे टपोरे थेंब

दरवळे सुगंध मातीचा

थंडगार वारा सुटला

किलबिलाट पक्ष्यांचा

हिरवा शालू नी हिरवा चुडा

परीधान करी वसुंधरा

धो धो बरसती अश्या ह्या

बेधुंद होऊनी जलधारा

चिंब सरींनी येई बहर

सुखावलेल्या कल्पतरुंना

सुगंध दरवळे ह्या जीवनी

नाच नर्तकी मोरांना

जलमय होई सारी ज्वाला

डोंगर कपारीतून वाहे झरा

तृष्णा भागली आसमंताची

येऊनी भिडे वारा

श्वासा श्वासात दरवळते

मनी मृदगंध पावसाचा

थंडी भिनते अंगात पुनः

घ्यावा आनंद चिंब सरींचा