मराठीचा साज

माय मराठी आपुली 

आहे लाखात देखणी 

जन्मा आलो धन्य झालो

सह्यादीच्या या अंगणी 

माझ्या मराठी भाषेचे 

गुणगान वारा गातो 

वाणी ऐकता मधाळ  

जीव धन्य त्याचा होतो

मराठीचा आभिमान 

येथे लहान थोरांना

भाषा लावियेते लळा 

तिच्या लाडक्या पोरांना 

असो संस्कृत प्राकृत 

शाखा तिच्या शानदार 

मुखी मराठी रुळता 

स्वर लागे बाणेदार 

सप्त सागरा पल्याड 

गर्जा मराठीचा बाज 

पैंजा अप्सरांसी जिंके 

असा मराठीचा साज