मराठीचा गौरव

मराठी मातीत जन्म घेतला

गिरवितो मातृभाषेचे धडे

ज्ञानामृत प्राशूनी मायेचे

मराठी पाऊल पडते पुढे

कर्णावरती संस्कार मराठी

जन्मापासून घडत राहिला

मुखामधूनी पहिलाच स्वर

मराठीत अभिव्यक्त जाहला

मातृभाषेचे सौंदर्य देखणे

हळूहळू हे उलगडत गेले

मातृभाषेचा लळा लागता

मन माझे मराठमोळे झाले

माय मराठी माझी भाषा

करतो तिला त्रिवार वंदन

महाराष्ट्राच्या भूमीत फुलावे

साहित्याचे अनोखे नंदनवन

जगतामध्ये सदैव गुजू दे

मराठी भाषेचे गौरव गान

मराठमोळ्या राज्यभाषेचा

मराठी माणसाला अभिमान