मराठी असे आमुची मायबोली

माय मराठी 

साद मराठी 

भाव मराठी 

भावार्थ मराठी 

बाज मराठी 

बात मराठी 

जगण्याचा अर्थ मराठी

ती कधी बोलते वृतात

कधी अलंकारात

ओव्या भारुडे

तिच्याच अंगणात 

पाणी की हो भरी

इथेच वाणी तुक्याची

आणि वेद ज्ञानाचे वदती

इथल्याच मातीत

भाव मनीचे खोलते

मायबोली माझी मराठी 

हीच खरी आत्मियता

नका सोडू तिचा हात 

हीच असे आमुची नम्रता

उन सावल्या येतील न् जातीलही

कोंब जपा मराठीचे

ओंजळीत घ्या चार शब्द 

अनुभवा त्या शब्दां शब्दांतला

अमृतालाही हिच्या पुढे 

वाटेल कमीपणा त्यालाही 

सात्त्विकतेच्या राशी इथेच 

काय बोलले कोण बोलले

तिचं आमची मायबोली